Украінцы хочуць атрымаць сучасны амерыканскі дрон. Але амерыканцы баяцца, што ён трапіць у рукі расіян
Рашэнне аб адпраўцы магутнага беспілотніка адкладаецца з-за боязі Пентагона. Амерыканцы баяцца, што звышсучасныя тэхналогіі трапяць у рукі расіян.
Адно з упраўленняў Пентагона займаецца тэхналогіяй Multi-Spectral Targeting System (MSTS), што дае аператарам беспілотных лятальных апаратаў разведвальныя дадзеныя, адсочванне цэлі і нацэльванне ў рэжыме рэальнага часу. Падобная тэхналогія выкарыстоўваецца ў дроне MQ-1C Gray Eagle.
Адміністрацыя Байдэна першапачаткова баялася, што ўкраінцам будзе цяжка авалодаць гэтым апаратам. Аднак, па словах крыніц выдання Politico, самая вялікая праблема заключаецца ў тым, што Расія можа перахапіць дрон і скрасці тэхналогію. Існуе таксама асцярога, ці будзе тэхналогія канкурэнтназдольнай на полі бою.
Gray Eagle ад General Atomics можа лётаць без перапынку больш за 27 гадзін на адлегласць 4630 км і несці ракеты Hellfire. Беспілотнік выкарыстоўваўся ў аперацыях ЗША на Блізкім Усходзе і ў краінах Афрыкі. Імаверна, нядаўна ён выкарыстоўваўся ў нападзе супраць лідара Аль-Каіды Аль-Завахіры.
Служба бяспекі абаронных тэхналогій (падраздзяленне Пентагона) зараз ацэньвае рызыку адпраўкі ва Украіну беспілотных лятальных апаратаў Gray Eagle з MSTS. Пакуль што няма ніякай гарантыі, што офіс дасць зялёнае святло.
Канчатковае рашэнне аб адпраўцы прыме міністр абароны ЗША.
Затрымка па-ранейшаму турбуе ўкраінскіх чыноўнікаў, якія падалі заяўкі на чатыры такія самалёты ў пачатку гэтага года. Кіеву патрэбныя звесткі аб становішчы расійскіх сіл.
Некаторыя ўкраінскія лётчыкі-знішчальнікі, аднак, сцвярджаюць, што Gray Eagle можа быць не вельмі карысны, бо яму давядзецца лятаць занадта блізка да расіян. Гэта вельмі эфектыўная платформа, але ў такіх месцах, як Афганістан, а не на лініі фронту.
Яшчэ адна перашкода заключаецца ў тым, што мадэль патрабуе шырокай наземнай інфраструктуры (бяспечных ліній сувязі і вялікіх асфальтаваных пасадкавых пляцовак), і незразумела, дзе Кіеў можа размясціць беспілотнікі.
Знікненне спікеркі КР Анжалікі Мельнікавай. Усё важнае, што вядома на гэты момант25
Каментары