«Цяпер дурніца скончылася». Лукашэнка прадракае Еўропе беднасць
Багацця ў Еўрапейскім саюзе ўжо больш не будзе. Пра гэта заявіў журналістам Аляксандр Лукашэнка падчас наведвання прадпрыемства «БелОМА», паведамляе БелТА.
Пра гэта заявіў журналістам Аляксандр Лукашэнка падчас наведвання прадпрыемства «БелОМА».
«Багацця ўжо ў іх не будзе. Не будзе! Ім цяпер давядзецца плаціць па рахунках і на ўсю катушку», — падкрэсліў Аляксандр Лукашэнка.
Расія, адзначыў ён, раней прадавала Германіі і іншым у ЕС газ на 50% танней, чым магла б. Адпаведна, ФРГ і іншыя краіны квітнелі за кошт гэтага.
«Цяпер дурніца скончылася. Больш за тое, «уклаліся» прыстойна ў гэтую ўкраінскую авантуру. Пандэмія, лакдаўны, раскідванне з верталёта грошай. Гэта цяпер усё вылазіць. Таму праблем шмат, і багацця ў іх, сапраўды, больш не будзе. Таму трэба распранацца, напружвацца і працаваць», — параіў Лукашэнка.
Таксама ён выказаўся пра ядзерную зброю: «Яны [краіны Захаду] павінны разумець, што ніякія верталёты, самалёты, калі яны пойдуць на абвастрэнне, іх не выратуюць. Мы некалі з Пуціным у Піцеры заявілі, што пераабсталюем і беларускія самалёты Су-24 для таго, каб яны маглі несці ядзерную зброю. Вы што, думаеце, мы языком ляпаем? Усё гатова!»
Каментары
Он никак не может удержать свои мечты,они из него лезут,как черви из земли.
Ау,лука, да кто дураку ЯО доверит?ты о себе лучше подумай, котиков любишь? Морских?
Усама тоже думал,что он неуязвим...