Стала вядома, што сярод тых байцоў батальёна «Азоў», якія выйшлі на волю ў выніку абмену палоннымі, што сёння быў праведзены ў Чарнігаўскай вобласці, апынуліся і іх камандзіры — Дзяніс Пракапенка «Радыс», Святаслаў Паламар «Каліна» і Сяргей Валынскі «Валына».
Як паведаміў кіраўнік Офіса прэзідэнта Украіны Андрэй Ярмак, вызваленыя 215 украінскіх палонных, сярод іх 108 — абаронцы «Азоўсталі». 124 чалавекі — афіцэры.
«Мы абмянялі 200 нашых герояў на Медведчука, які ўжо даў усе магчымыя паказанні следству. А 5 герояў — камандзіраў «Азоўсталі» — на 55 рускіх палонных, якія не маюць для нас ніякай цікавасці», — удакладніў Ярмак.
Абмен асноўнай масы палонных адбыўся ў Чарнігаўскай вобласці, украінскіх ваеннапалонных маглі нібыта прывезці з тэрыторыі Беларусі.
А вось абмен камандзіраў адбыўся на нейтральнай тэрыторыі, у Турцыі. Пяць камандзіраў палка» Азоў « будуць знаходзіцца там да канца баявых дзеянняў пад пратэкцыяй турэцкага лідара Таіпа Рэджэпа Эрдагана, паведаміў у сваім вячэрнім звароце прэзідэнт Украіны Уладзімір Зяленскі.
У сваю чаргу, Эрдаган заявіў, што абмен палоннымі паміж Расеяй і Украінай стаў магчымы пры пасярэдніцтве Турцыі.
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары