Пяцярых расіян з-за мабілізацыі знялі з цягніка на мяжы з Беларуссю
Пяцярых расіянаў, якія ехалі з Пецярбурга на цягніку ў Беларусь, не выпусцілі з краіны. Пра гэта «Медыязоне» распавёў адзін з іх, 30-гадовы мужчына, якому памежнікі забаранілі выезд з Расіі.
«З цягніка вывелі чатырох мужчын, памежнікі ведалі прозвішчы і месцы кожнага. Адзін маёр, два старшыя лейтэнанты і чалавекі чатыры радавыя ў масках», — распавёў малады чалавек.
Ён дадаў, што 8 гадоў таму скончыў вайсковую кафедру, мае званне лейтэнанта запасу, але ў войску не служыў. Расіянін збіраўся спачатку даехаць да Мінска, а адтуль адправіцца ў Стамбул.
Па словах суразмоўцы «Медыязоны», яго высадзілі на чыгуначнай станцыі Невель-2, апошняй перад мяжой з Беларуссю. Сярод тых, каму забаранілі выезд з Расіі, быў 20-гадовы студэнт.
Усім ім выдалі апавяшчэнні, што выезд забаронены на падставе закона аб мабілізацыі. У дакуменце гаворыцца, што па тлумачэнні трэба звярнуцца ў ваенкамат па месцы пастаноўкі на ўлік.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары