Як паведамляе прэс‑служба Міністэрства замежных спраў Літвы, інфармацыйная сістэма папярэдняй консульскай рэгістрацыі ўстаноўленая ў літоўскіх дыпламатычных і консульскіх прадстаўніцтвах у Беларусі, Грузіі, Расіі, Украіне.
У гэтых краінах выдаецца найбольшая колькасць літоўскіх віз, адзначаецца ў паведамленні.
Інфармацыйная сістэма папярэдняй консульскай рэгістрацыі дазваляе больш хутка выконваць сваю працу супрацоўнікам консульскіх устаноў. «Для апрацоўкі заяўкі, запоўненай у электронным выглядзе, патрабуецца ўсяго некалькі секунд. Кожнай заяўцы, запоўненай электронным шляхам, сістэма прысвойвае асобны двухмерны штрыхкод. Пры чытанні гэтага кода звесткі аўтаматычна перадаюцца ў агульную сістэму кіравання дадзенымі консульскай службы. Супрацоўнікам больш не патрабуецца ўводзіць звесткі ў сістэму, таму з’явілася магчымасць атрымаць большую колькасць заявак на атрыманне візы і хутчэй іх апрацаваць», — падкрэсліваецца ў паведамленні.
Паводле звестак прэс‑службы, пасольства Літвы ў Мінску за дзень прымае ў сярэднім 300—350 заявак на атрыманне візы. Новая інфармацыйная сістэма дазволіць павялічыць колькасць заявак да 400—450.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары