Літоўскага юрыста, які ўціраўся ў давер да беларускіх актывістаў, арыштавалі па падазрэнні ў шпіянажы
Літоўскія праваахоўнікі затрымалі падазраванага ў шпіянажы грамадзяніна Літвы Мантаса Данелюса. Яго арыштавалі на два месяцы, паведамляе агенцтва BNS са спасылкай на паліцыю.
«Мы можам пацвердзіць, што гэты чалавек затрыманы, ён падазраецца ў шпіянажы», — паведаміў BNS у аўторак прадстаўнік паліцыі Рамунас Матоніс.
Дасудовае расследаванне, распачатае ў супрацоўніцтве з Дэпартаментам дзяржбяспекі, вядуць супрацоўнікі Бюро крымінальнай паліцыі Літвы, ім кіруе Віленская акруговая пракуратура, паведаміў Матоніс.
«Каб не нашкодзіць следству, мы пакуль не можам каментаваць гэтае расследаванне», — сказаў ён.
Літоўскі юрыст Мантас Данелюс у якасці бізнэс-кансультанта знаёміўся з беларусамі, ладзіў лекцыі пра тое, як адкрыць сваю справу, і прапаноўваў юрыдычную дапамогу.
Пасля ён сам прызнаваўся, што перадаваў інфармацыю лукашэнкаўскай прапагандыстцы Ксеніі Лебедзевай, якая ў сваю чаргу, па яго словах, з’яўляецца супрацоўніцай Камітэта дзяржаўнай бяспекі Беларусі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў16
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары