Хрэнін: Пры неабходнасці мы можам выставіць паўмільёна ваеннаабавязаных
Падчас сустрэчы 6 кастрычніка з прадстаўнікамі СМІ, блогерамі і «прадстаўнікамі грамадскасці» міністр абароны Беларусі адказаў на шэраг пытанняў журналістаў, сярод іншага закрануўшы і пытанні працы з вайскоўцамі запасу, паведамляе прэс-служба Міністэрства абароны.
Хрэнін запэўніў, што праца ў гэтым кірунку вядзецца планава, а мабілізацыйныя зборы носяць пастаянны характар. Таксама ён назваў некалькі лічбаў.
Так, паводле яго, за апошнія 20 гадоў праз мабілізацыйныя зборы прайшлі 130 тысяч чалавек. Пры неабходнасці вайсковае ведамства можа, маўляў, выставіць рэсурс у 500 тысяч ваеннаабавязаных, і гаворка ідзе пра падрыхтаваны рэзерв. А паколькі 60% беларускага войска — кантрактнікі, то ў Беларусі няма неабходнасці ствараць кантрактную армію.
Таксама Хрэнін сказаў, што неўзабаве ў беларускае войска паступяць ракетныя комплексы «Іскандэр», сістэмы СПА «С-400», а ў кастрычніку адбудзецца прэзентацыя баявых беспілотных комплексаў.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі14
Каментары
В 1988 году окончил Уссурийское суворовское военное училище. В 1992 году окончил Омское высшее общевойсковое командное училище имени Фрунзе и вернулся служить в Белоруссию"
Iдзi там ваюй i выдзяляй, у сваёй расее, дзе цябе кабiнецiк выдзялiлi, а нам тут ваша вайна непатрэбная.