За негатыўныя каментарыі на адрас Лукашэнкі — чатыры гады калоніі
Брэсцкі абласны суд завяршыў разгляд крымінальнай справы мінчука Міхаіла Корзуна. 31-гадовы мужчына абвінавачаны ў распальванні сацыяльнай варожасці (ч. 1 арт. 130 Крымінальнага кодэкса). Справу разглядала суддзя Кацярына Груда, дзяржабвінавачванне прадстаўляла памочніца пракурора Марыя Бялт, піша «Вясна».
Паводле версіі абвінавачвання, Корзун з кастрычніка 2021 года па 8 студзеня 2022 года ў сацсетцы ўкантакце пакідаў каментарыі «з негатыўнай ацэнкай» і «заклікам да гвалтоўных дзеянняў» у дачыненні да Аляксандра Лукашэнкі.
Да суда, як і на самім судзе, Міхаіл цалкам адмовіўся ад дачы паказанняў. Але пры гэтым на судовым пасяджэнні заявіў, што цалкам прызнае віну.
Каментары