У Мінскай вобласці ваеннаабавязаных выклічуць у ваенкамат і сельсаветы — «для ўдакладнення даных»
З 13 лістапада па 30 снежня ў Мінскай вобласці правядуць кантрольнае апавяшчэнне ваеннаабавязаных і выклічуць у ваенкамат — «для ўдакладнення даных воінскага ўліку», пішуць «Жодзінскія навіны».
Апавяшчэнне і яўка будзе праводзіцца паэтапна.
Яўка ваеннаабавязаных будзе рабіцца:
— для ваеннаабавязаных, якія пражываюць (зарэгістраваныя) у сельскай мясцовасці, — у сельскіх выканаўчых камітэтах (без прыбыцця ў ваенных камісарыят);
— для ваеннаабавязаных, якія пражываюць (зарэгістраваныя) на тэрыторыі горада, — у ваенны камісарыят раёна.
Час яўкі ваеннаабавязаных у сель-, гарвыканкамы і ваенны камісарыят будзе вызначаны рашэннем ваеннага камісара і даведзены шляхам уручэння позвы праз аддзелы кадраў або работнікаў сель-, гарвыканкамаў. У асобных выпадках выклік ваеннаабавязаных можа рабіцца праз тэлефон.
У Смалявіцкім раёне і Жодзіне, напрыклад, апавяшчэнне будзе праводзіцца з 14 па 18 лістапада, яўка — з 21 па 25 лістапада.
«У нашай арганізацыі 70% атрымалі позвы»: што вядома пра схаваную мабілізацыю ў Беларусі
Цяпер чытаюць
Азараў адкрыў у Варшаве дэтэктыўнае агенцтва «Рэкс»3
Каментары