Крэмль не памяняў мапу на сваім сайце пасля далучэння акупаваных тэрыторый
Праз паўтара месяца пасля ўрачыстага «далучэння» «ДНР» і «ЛНР», Херсонская і Запарожская вобласці так і не з'явіліся на мапе, апублікаванай на сайце Крамля, заўважыла «Агентство». Няма абнаўленняў і на мапах, апублікаваных на афіцыйных сайтах урада і Савета Федэрацыі.
На ўсіх мапах — 85 суб'ектаў, як і было да верасня гэтага года. Пры гэтым у пераліку рэгіёнаў, размешчаных побач з картамі, анексаваныя рэгіёны згадваюцца.
У 2014 годзе, калі далучалі Крым, мапа на сайце Крамля абнавілася праз тры дні пасля таго, як Пуцін падпісаў усе дакументы. Тады ж памяняў карту на сваім сайце і Савет Федэрацыі.
З моманту «далучэння» чатырох рэгіёнаў іх памер пад кантролем Расіі ўжо скараціўся.
На наступны дзень пасля ўрачыстай цырымоніі ў Крамлі быў здадзены Ліман. А на гэтым тыдні Расія сышла з правага берага Дняпра, пакінуўшы ў тым ліку Херсон — адзіны абласны цэнтр, заняты пасля 24 лютага.
Пасля адступлення з правага берага Дняпра Расія пазбавілася кантролю над 4,9 тыс. кв км, сведчаць падлікі «Агентства». Пасля гэтага ў Расііі застаецца блізу 65 тысяч кв км анексаванай ва Украіны тэрыторыі.
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары