У сезон гарбузоў і шэрага надвор'я — самы час для яркіх кулінарных эксперыментаў. Паспрабуйце прыгатаваць гэту страву з арыентальным прысмакам і насычаным водарам на ўсю кухню. Усё гатуецца ў адным рондалі.
Фота: minimalistbaker.com
Нам спатрэбіцца:
- 1 вялікая цыбуліна
- 2 зубчыкі часнаку
- 1 ч.л. чырвонай пасты кары
- 400 гр. гарбуза
- 3 бульбіны
- 300 гр. квяцістай капусты
- 1 слоік какосавага малака
- 1 шклянка булёну (з агародніны ці курынага)
- 200 гр. курынага філе (можна замяніць на 200 гр. варанага нуту)
- жменя арахісу ці кеш’ю
- кінза
- алей
У рондалі ці глыбокай патэльні грэем 2 ст.л. алею. Часнок і цыбулю дробна рэжам і дадаём да алею разам з пастай кары. Даём некалькі хвілін падсмажыцца.
Наступнымі дадаём кавалкі курынага філе. Смажым хвілінак 7. Калі замест курыцы ў вас нут, то дадаём яго разам з агароднінай.
Бульбу і гарбуз наразаем кубікамі. Дадаём у рондаль бульбу, гарбуз і квяцістую капусту, наліваем какосавае малако і булён. Даём закіпець, накрываем накрыўкай і тушым хвілін 25—30 на маленькім агні.
Падаём з арэшкамі, падсмажанымі на сухой патэльні, і галінкамі кінзы. Найлепшым гарнірам тут будзе прыгатаваны рыс, напрыклад басмаці.
Смачна есці!
Каментары
з якім з якім?
Рэд. доўга гэта слова сачыняў?
не ну. вы здзекуецеся?