На Шчучыншчыне егер застрэліў сабак добрага знаёмага, бо той не даў дазволу на паляванне
Канфлікт паміж двума работнікамі адной гаспадаркі ў Шчучынскім раёне разгарэўся ў кастрычніку. Усё праз дазвол на паляванне, якое 54-гадовы егер (ён жа заатэхнік у калгасе) не выдаў 35-гадоваму калегу, паведамляе тэлеграм-канал «Обратная сторона».
Апошні адпомсціў крыўдзіцелю, падстрэліўшы двух яго заходнееўрапейскіх лаек, пераможцаў шматлікіх міжнародных спаборніцтваў.
Міліцыя правяла праверку — на забойцу лаек завялі «крыміналку» па факце знішчэння чужой маёмасці.
У абставінах сельскай драмы разбіраецца следства. Вядома, што вінаваты і пацярпелы былі ў нядрэнных адносінах і нават палявалі разам, у тым ліку з загінулымі сабакамі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
