Старшыня камітэта Сейма па нацыянальнай бяспецы і абароне Лаўрынас Кашчунас ініцыюе папраўкі да законаў, якія забароняць грамадзянам Расіі і Беларусі ў Літве мець зброю. Палітык сцвярджае, што гэта неабходна для таго, каб у выпадку беспарадкаў у Літве не ствараліся дыверсійныя групоўкі, паведамляе Delfi.lt.
«Для таго, каб перакрыць любыя магчымасці для стварэння розных груп, якія спрыяюць варожым дзяржавам, і іх дзейнасці — гэта значыць грамадзяне варожай замежнай дзяржавы, якія пражываюць тут, могуць узяцца за зброю для абароны інтарэсаў сваёй краіны паходжання з-за ідэалагічнай прыхільнасці або грамадзянскай лаяльнасці ў крытычных выпадках, таму дарэчы забараніць грамадзянам краін, якія пастаянна пражываюць у Літве, якія не адпавядаюць крытэрыю еўрапейскай і трансатлантычнай інтэграцыі, набываць зброю і валодаць ёй», — сказаў BNS Кашчунас.
Згодна з папраўкамі да закона аб кантролі над зброяй і боепрыпасамі, пастаянным жыхарам краіны, якія не з'яўляюцца грамадзянамі краін, якія адказваюць крытэрыю абранай Літвой еўрапейскай і трансатлантычнай інтэграцыі, будзе забаронена набываць і захоўваць зброю ў Літве. Тыя, у каго ўжо ёсць такая зброя, павінны будуць на працягу года пасля ўступлення закона ў сілу адмовіцца ад яе: прадаць, перарабіць або здаць у паліцыю, а дазвол на захоўванне або нашэнне зброі будзе ануляваны. У адваротным выпадку зброя будзе канфіскаваная.
Паводле даных кіраўніка камітэта, у цяперашні час у Літве пражываюць 294 грамадзяне Расіі і 46 грамадзян Беларусі, якія маюць дазвол на захоўванне або нашэнне зброі. Як сказаў Кашчунас, урад Эстоніі ўжо прыняў аналагічныя папраўкі да закона.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары