Staršynia kamiteta Siejma pa nacyjanalnaj biaśpiecy i abaronie Łaŭrynas Kaščunas inicyjuje papraŭki da zakonaŭ, jakija zabaroniać hramadzianam Rasii i Biełarusi ŭ Litvie mieć zbroju. Palityk śćviardžaje, što heta nieabchodna dla taho, kab u vypadku biesparadkaŭ u Litvie nie stvaralisia dyviersijnyja hrupoŭki, paviedamlaje Delfi.lt.
«Dla taho, kab pierakryć lubyja mahčymaści dla stvareńnia roznych hrup, jakija spryjajuć varožym dziaržavam, i ich dziejnaści — heta značyć hramadzianie varožaj zamiežnaj dziaržavy, jakija pražyvajuć tut, mohuć uziacca za zbroju dla abarony intaresaŭ svajoj krainy pachodžańnia z-za ideałahičnaj prychilnaści abo hramadzianskaj łajalnaści ŭ krytyčnych vypadkach, tamu darečy zabaranić hramadzianam krain, jakija pastajanna pražyvajuć u Litvie, jakija nie adpaviadajuć kryteryju jeŭrapiejskaj i transatłantyčnaj intehracyi, nabyvać zbroju i vałodać joj», — skazaŭ BNS Kaščunas.
Zhodna z papraŭkami da zakona ab kantroli nad zbrojaj i bojeprypasami, pastajannym žycharam krainy, jakija nie źjaŭlajucca hramadzianami krain, jakija adkazvajuć kryteryju abranaj Litvoj jeŭrapiejskaj i transatłantyčnaj intehracyi, budzie zabaroniena nabyvać i zachoŭvać zbroju ŭ Litvie. Tyja, u kaho ŭžo jość takaja zbroja, pavinny buduć na praciahu hoda paśla ŭstupleńnia zakona ŭ siłu admovicca ad jaje: pradać, pierarabić abo zdać u palicyju, a dazvoł na zachoŭvańnie abo našeńnie zbroi budzie anulavany. U advarotnym vypadku zbroja budzie kanfiskavanaja.
Pavodle danych kiraŭnika kamiteta, u ciapierašni čas u Litvie pražyvajuć 294 hramadzianie Rasii i 46 hramadzian Biełarusi, jakija majuć dazvoł na zachoŭvańnie abo našeńnie zbroi. Jak skazaŭ Kaščunas, urad Estonii ŭžo pryniaŭ anałahičnyja papraŭki da zakona.
Kamientary