Паставілі ў віну размову з журналістам «Белсата». Прафсаюзнага лідара Андрэя Ханевіча асудзілі на 5 гадоў калоніі
У Гродзенскім абласным судзе 16 лістапада асудзілі Андрэя Ханевіча паводле арт. 369-1 (дыскрэдытацыя Рэспублікі Беларусь) і арт. 361-4 (садзейнічанне экстрэмісцкай дзейнасці) Крымінальнага кодэкса. Справу разглядаў суддзя Віталь Кулеш, паведамляе «Вясна».
Андрэю паставілі ў віну размову з журналістам «Белсата», падчас якой мужчына «перадаў нейкія звесткі». Тэлефон Андрэя праслухоўвалі, размовы запісвалі супрацоўнікі спецслужбаў.
Беларускі незалежны прафсаюз ліквідавалі ўвесну 2022-га падчас таго, як Андрэй адбываў адміністратыўны арышт. Прычынай ліквідацыі прафсаюза стала спроба арганізаваць страйк на прадпрыемстве нібы «выключна ў палітычных мэтах». Пасля звальнення з прадпрыемства на Андрэя завялі крымінальную справу.
16 лістапада суддзя Гродзенскага абласнога суда Віталь Кулеш прызнаў Андрэя Ханевіча вінаватым паводле арт. 369-1 (дыскрэдытацыя Рэспублікі Беларусь) і арт. 361-4 (садзейнічанне экстрэмісцкай дзейнасці) Крымінальнага кодэкса і асудзіў яго на пяць гадоў пазбаўлення волі ў калоніі ва ўмовах ўзмоцненага рэжыму.
47-гадовы Андрэй Ханевіч працаваў апаратчыкам у цэху «Карбамід-3» у «Гродна-Азот». Мужчына мае траіх дзяцей.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі31
Каментары