Пачаў хаміць: сямейная пара ў Беларусі адмовілася ад 16‑гадовага сына
Родная маці заявіла, што гатова плаціць дзяржаве за ўтрыманне падлетка, абы не цярпець прыніжэнняў.
Незвычайны выпадак разгледзела камісія па справах непаўналетніх у Добрушы. Бацькі вырашылі адмовіцца ад свайго сына, паведамляе газета «Добрушскi край».
Пара жыве ў адной з вёсак раёна. Яны паскардзіліся на свайго 16‑гадовага сына — праблемы пачаліся, калі ён паступіў у каледж.
Падлетак пачаў хаміць бацькам і ўступаць з імі ў канфлікты. Пра праблему ведалі і ў навучальнай установе: непаўналетні непаважліва адклікаўся пра бацьку і маці.
Пара са спецыялістамі каледжа не кантактавалі, ды і ў жыцці дзіцяці ўдзельнічаюць не надта актыўна: на бацькоўскіх сходах не з’яўляліся.
Як высветлілася, раней прызнавалі, што дзіця знаходзіцца ў сацыяльна небяспечным становішчы.
Высветліць прычыну канфлікту не ўдалося, але ён атрымаў незвычайную развязку — бацькі вырашылі афіцыйна адмовіцца ад сына.
Як заявіла маці, яны гатовыя плаціць дзяржаве за ўтрыманне сына, абы больш не цярпець прыніжэнняў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску22
Каментары