Гісторыя55

Археолагі дазналіся, што елі старажытныя рымляне на трыбунах Калізея

Археолагі, якія вывучаюць каналізацыйную сістэму Калізея ў Рыме, знайшлі ў ёй рэшткі ежы, якую ўжывалі гледачы падчас гладыятарскіх баёў і іншых відовішчаў у старажытным амфітэатры, пабудаваным дзве тысячы гадоў таму, піша Бі-бі-сі.

Фота: AP

Даследаванне, якое працягвалася ўвесь гэты год, дапамагло спецыялістам не толькі вывучыць складаныя гідратэхнічныя збудаванні пад Калізеем, але і лепш зразумець звычкі жыхароў Старажытнага Рыма і іх паўсядзённае жыццё.

У прыватнасці, археолагі выявілі ў каналізацыйнай і дрэнажнай сістэмах насенне інжыра, вінаграду, вішні, ажыны і дыні, а таксама сляды алівак, грэцкіх арэхаў і іншай ежы, якую гатавалі проста на трыбунах у імправізаваных мангалах.

Акрамя таго, там знайшлі парэшткі жывёл, якіх выкарыстоўвалі ў баях і розных гульнях на арэне: косткі мядзведзяў, львоў і ягуараў, а таксама сабак, сярод якіх былі нават таксы.

Сярод іншых знаходак — больш за 50 бронзавых манет познерымскага перыяду, а таксама сярэбраная манета прыкладна 170-171 гг. нашай эры, адчаканеная ў гонар дзесяцігоддзя праўлення імператара Марка Аўрэлія.

У ходзе даследавання археолагі расчысцілі каля 70 метраў дрэнажных сцёкаў і каналізацыйных каналаў пад Калізеем, які застаецца адной з самых наведвальных славутасцяў Італіі.

«Такія знаходкі даюць нам уяўленне пра вопыт і звычкі тых, хто прыходзіў сюды падчас працяглых імпрэзаў», — сказала дырэктар археалагічнага парку Калізея Альфансіна Русо.

Работы вяліся ў раёне паўднёвага калектара амфітэатра, які быў забіты і не выкарыстоўваўся фактычна з 523 года нашай эры, калі Калізей прыйшоў у заняпад і перастаў быць арэнай (у розны час яго выкарыстоўвалі ў якасці крэпасці, бальніцы і нават прадзільнай фабрыкі).

Паколькі старажытная сістэма каналізацыі была фактычна запячатана смеццем і зямлёй, а вада туды не паступала, многія пахаваныя там рэчы засталіся некранутымі альбо вельмі добра захаваліся. Каб іх дастаць, археолагі выкарыстоўвалі дроны з дыстанцыйным кіраваннем.

«Калі ўзброімся фантазіяй, — кажуць археолагі, — мы можам уявіць, як зіхоткія манеты кідаюць у натоўп, і адна з іх падае на пясок арэны, а затым выносіцца разам з крывёю людзей і жывёл у каналізацыю, каб праз больш як 1500 гадоў расказаць нам пра зачараванне і вар'яцтва тых гульняў і тых дзён».

Каментары5

  • Valadzimir
    26.11.2022
    Якая сумная, красамоўная і ганебная паралель: у Італіі, каб больш даведацца пра жыцьцё сваіх продкаў, корпаюцца ў старажытных каналізацыйных адкідах, а ў Белоруссии-Беларусі ў той жа час даламываюць-руйнуюць старадаўнія храмы - помнікі архітэктуры...
  • бабка
    26.11.2022
    ой, да. помню-помню. и какали ба
    бочками
  • фцф
    26.11.2022
    поп-корн і чыпсы пэўна не захаваліся. 
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, што за амерыканец нядаўна быў вызвалены з беларускай турмы7

Стала вядома, што за амерыканец нядаўна быў вызвалены з беларускай турмы

Усе навіны →
Усе навіны

«Упаў на калені і заплакаў». Уклаў у цяпліцу з цюльпанамі больш за 400 тысяч рублёў, а яна згарэла за адну ноч6

ЕС можа выдзеліць Украіне велізарны пакет дапамогі —700 мільярдаў еўра5

Сёлета пачнуць забудоўваць участак на рагу праспекта Незалежнасці і Валгаградскай3

Распрацоўшчык з Амстэрдама расказвае, колькі ён траціць у месяц4

Лёсаванне чэмпіянату Беларусі па футболе прайшло ў Брэсцкай крэпасці4

«Куды столькі падзець?» Беларуска атрымала гіганцкі падарунак на працы да святаў — у тыктоку зайздросцяць12

Да 2027 года штучны інтэлект можа дасягнуць узроўню «краіны геніяў». Што маецца на ўвазе?5

Палітзняволены журналіст Карней схуднеў за кратамі на 15 кг і мае праблемы з сэрцам1

Пракуратура паказала інтэр'еры калоніі, у якой трымаюць Алеся Бяляцкага3

больш чытаных навін
больш лайканых навін

Стала вядома, што за амерыканец нядаўна быў вызвалены з беларускай турмы7

Стала вядома, што за амерыканец нядаўна быў вызвалены з беларускай турмы

Галоўнае
Усе навіны →

Заўвага:

 

 

 

 

Закрыць Паведаміць