У Гродне на 31-гадовага кіроўцу лагістычнай кампаніі завялі крымінальную справу за прысваенне маёмасці — на ягоных руках аказалася 42 кілаграмы цукерак, якія не былі прапіса́ныя ў дакументах, паведамляе абласная міліцыя.
Кіроўца займаўся дастаўкай грузаў у гандлёвыя кропкі па ўсёй краіне. Аднойчы ён прывёз сем скрынак кандытарскіх вырабаў на склад вядомай гандлёвай сеткі, але прынялі толькі адну — астатнія не значыліся ў замове. Перадаючы прадукцыю назад кіроўцу, складскія супрацоўнікі не аформілі суправаджальныя дакументы.
Мужчына скарыстаўся сітуацыяй: замест таго, каб вярнуць тавар пастаўшчыку, ён пакінуў яго сабе. Пра гэта заўважылі толькі праз некалькі месяцаў. Частку салодкага мужчына раздаў сваякам, астатняе пакінуў дома.
Паводле следства, шкода кампаніі склала больш за 1500 рублёў. У дачыненні да кіроўцы распачата крымінальная справа па артыкуле аб прысваенні або растраце маёмасці.
Каментары