Японцу, які палову стагоддзя чакаў смяротнага прысуду і быў апраўданы, прызначылі $1,5 мільёна кампенсацыі
Акруговы суд прэфектуры Сідзуока пастанавіў, што цэнтральны ўрад Японіі павінен выплаціць 89-гадоваму Іваа Хакамада кампенсацыю ў памеры амаль 1,5 мільёна даляраў ЗША. Мужчына правёў у зняволенні 47 гадоў і 7 месяцаў, чакаючы выканання смяротнага прысуду, але ў выніку быў апраўданы, піша Kyodo.
Хакамада працаваў на заводзе па вытворчасці пасты місо. У 1966 годзе яго арыштавалі па абвінавачанні ў рабаванні і забойстве свайго начальніка, ягонай жонкі і двух дзяцей. На допыце мужчына прызнаўся ў забойстве, але падчас суда заявіў, што прызнанне было выбіта пад катаваннямі.
У 1968 годзе акруговы суд Сідзуокі прысудзіў Хакамаду да смяротнага пакарання, а ў 1980-м гэта рашэнне пацвердзіў Вярхоўны суд Японіі. Увесь гэты час Хакамада ўтрымліваўся ў камеры смяротнікаў. У 2011 годзе яго ўнеслі ў Кнігу рэкордаў Гінэса як чалавека, які найбольш працяглы час прабыў у чаканні смяротнага прысуду.
У 2014 годзе справа была накіравана на перагляд. У судзе Сідзуокі ўстанавілі, што ДНК Хакамады не супадае з генетычным матэрыялам, знойдзеным на месцы злачынства. Пасля гэтага мужчыну вызвалілі, але Вышэйшы суд Токіа ў 2023 годзе пакінуў у сіле рашэнні аб паўторным разглядзе справы.
У верасні 2024 года суд Сідзуокі апраўдаў Хакамаду, прызнаўшы тры выпадкі фальсіфікацыі доказаў. Экспертызы, згодна з якімі кроў на адзенні з кантэйнера з місо належыць ахвярам і нібыта самому Хакамаду, былі прызнаны несапраўднымі. Суд указаў, што прызнанне, зробленае на допыце, было «фактычна сфабрыкаванае» і атрымана «праз фізічны і псіхалагічны гвалт».
-
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА
-
«Скарбы, знойдзеныя на гарышчы». Калекцыю картак Pokemon маляра-пенсіянера прадалі за два мільёны даляраў
-
У Нью-Ёрку вырашылі забараніць адну з візітных картак горада — конныя экіпажы Цэнтральнага парку
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Не ясна, чаму генетычную экспертызу не зрабілі гадоў 10-20 назад. Напэўна, ў Японіі таксама блюдуць "чэсць мундзіра". Дзякуй Богу, не так упарта, як у нас.
Пакаранне невінаватага заўсёды горш за тое, каб адпусціць вінаватага. У абодвух выпадках вінаваты на свабодзе. Але ў першым яшчэ і невінаваты церпіць. Адсюль бярэцца прэзумпцыя невінаватасці.