«Ён дарослы». Расійскі пасол патлумачыў, чаму яго сын не ваюе ва Украіне
Пасол Расіі ў Вялікабрытаніі Андрэй Келін даў інтэрв'ю ВВС. Падчас размовы ў яго спыталі і пра тое, ці ваюе яго сын ва Украіне. Адказ дыпламата выглядаў дзіўна.
— Ваш сын ваюе ва Украіне? — запыталася журналістка ВВС.
— Мой сын ужо дарослы, у яго ёсць сям’я. Ён не ваюе ва Украіне.
— Як бы вы сябе адчувалі, калі б ён адправіўся на перадавую?
— У гэты момант я не бачу такой магчымасці, бо ён ніколі не быў навучаны ваеннай справе, у яго няма адпаведнай прафесіі. Але гэта, канечне, можа здарыцца, чаму не.
— Яго могуць прызваць?
— Могуць. Не цяпер, бо прызыў быў скончаны некаторы час таму, набрана дастатковая колькасць сіл для абароны тэрыторый, якія цяпер уваходзяць у склад Расійскай Федэрацыі (так пасол назваў акупаваныя ўкраінскія землі. — НН).
Нагадаем, у верасні Пуцін абвясціў аб «частковай мабілізацыі». Тыдзень таму расійскія тэлеграм-каналы абмяркоўвалі прыкметы таго, што Крэмль рыхтуецца да другой хвалі мабілізацыі. У прыватнасці, яны распаўсюдзілі ў сетцы фота позвы, атрыманай пецярбуржцам, якому было загадана з'явіцца ў ваенкамат у студзені 2023 года насуперак заяве Уладзіміра Пуціна аб заканчэнні частковай мабілізацыі 31 кастрычніка. Сам Крэмль такія намеры адмаўляе.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары