Замежныя кампаніі не змогуць экспартаваць тавары праз Сербію, усе спробы рээкспарту будуць спыненыя. Пра гэта пасля сустрэчы з еўракамісарам па пытаннях пашырэння і развіцця добрасуседства Оліверам Вархелі заявіў на сумеснай прэс-канферэнцыі прэзідэнт Сербіі Аляксандр Вучыч.
Так Вучыч адказаў на словы Вархелі, што Сербіі перад уступленнем у ЕС неабходна «гарманізаваць» сваю знешнюю палітыку з Бруселем. Сербія — кандыдат на ўступленне ў ЕС з 2012 года.
Паводле Вучыча, у Сербіі ўжо былі выпадкі затрымання грамадзян, якія аказвалі дапамогу ў абыходзе антырасійскіх санкцый.
Акрамя таго, Вучыч выказаў ЕС падзяку за аказанне фінансавай падтрымкі Сербіі: да канца гэтага года Бялград атрымае 165 млн еўра. У рамках перамоў з еўракамісарам Сербія падпісала тры пагадненні з ЕС, у тым ліку рамачнае пагадненне аб фінансавым партнёрстве.
У лістападзе Вучыч заяўляў, што Бялград падтрымае еўрапейскія санкцыі супраць Расіі толькі з «дамоклавым мячом над галавой», бо Расія дапамагла Сербіі абараніць цэласнасць тэрыторыі ў 2015 годзе.
Брат беларускай каралевы прыгажосці трапіў у рэанімацыю ў Азербайджане4
Каментары