Навука і тэхналогіі

Твары жанчын не старэюць да 30 гадоў, у той час як мужчыны старэюць роўненька ад 18-ці, выявілі навукоўцы

Тлушч на шчоках жанчын пачынае адкладацца пасля 30 гадоў, тады скура пачынае абвісаць, а твар — шырэць.

Выява: Scientific Reports (Sci Rep)

Даследаванне паказала, што твары жанчын пачынаюць пашырацца, калі ім спаўняецца 30 гадоў, а на шчоках пачынае назапашвацца тлушч. Тлушч на шчоках утвараецца натуральным шляхам, ён пакрывае скулы і размяшчаецца паміж тваравымі цягліцамі. Выгляд жа мужчын няўхільна змяняецца цягам усяго жыцця.

The Telegraph распавядае, што даследчыкі з Прагі набралі 456 чалавек, адсканавалі іх твары і стварылі «сярэднія» твары за кожнае дзесяцігоддзе жыцця, адсочваючы, як 20 ключавых маркераў твару змяняліся з узростам. Былі дэталёва ацэненыя ўзроставыя змены, і каманда стварыла мадэлі для мужчын і жанчын ва ўзросце 15, 20, 30, 40, 50, 60, 70 і 80 гадоў.

Даследчыкі адсочвалі, як стандартны твар змяняўся з цягам часу і ў якіх менавіта ўчастках. Высветлілася, што ў цэлым твары мужчын і жанчын змяняюцца аднолькава, але з некаторымі прыкметнымі выключэннямі. Твары мужчын, як правіла, няўхільна пашыраюцца на працягу ўсяго жыцця да 60 гадоў, пасля чаго яны пачынаюць змяншацца. Жаночыя твары, аднак, не змяняюцца з 20 да 30 гадоў — і толькі ў 30 пачынаюць пашырацца. Гэта абумоўлена, па словах навукоўцаў, значнымі зменамі ў вобласці шчок, калі тлушч назапашваецца на шчоках і скулах.

Ад 30 да 60 гадоў твары абодвух полаў павялічваюцца ў памерах і нязначна пашыраюцца. У адрозненне ад жаночых твараў, мужчынскія пасля 60 гадоў трохі памяншаюцца. Старэнне пасля трыццаці гадоў выяўляецца не толькі ў пашырэнні твару, але і ў абвісанні мяккіх тканак і большай бачнасці скурных складак.

Выява: Scientific Reports (Sci Rep)

Паступовае пашырэнне твараў мужчын, якім ад 20 да 30 гадоў, таксама вінаватае ў страце рэзкай лініі сківіцы, высветлілі навукоўцы. Так, у большасці мужчын ад 20 да 40 гадоў падбародак быў прыкметным і выступаў, але з узростам ён памяншаўся. Пашырэнне твару і памяншэнне выступу падбародка азначае, што лінія сківіцы мужчыны з часам павольна знікае. У наступны перыяд даследчыкі не заўважылі якіх-небудзь істотных адрозненняў паміж паламі ў старэнні твараў.

Каманда таксама падкрэсліла, што пасля 60 гадоў мяккія тканкі ў «бакавой вобласці ніжняй сківіцы» пачынаюць правісаць. Большасць вымярэнняў твару павялічваецца з узростам, аднак шырыня і вышыня вочнай шчыліны пры гэтым значна звужаецца. Аналагічным чынам вышыня рота значна памяншаецца з цягам часу ва ўсіх прааналізаваных узроставых катэгорыях.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць