Жонкі мабілізаваных з Валгаграда паскардзіліся на ўтрыманне мужоў у «турме для адмоўшчыкаў»
Жонкі дзевяці жыхароў Валгаграда, мабілізаваных на вайну ва Украіне, падалі калектыўны зварот ў Галоўную вайсковую пракуратуру і Галоўнае вайсковае следчае ўпраўленне.
Яны сцвярджаюць, што іх мужоў пасля адмовы ўдзельнічаць у баявых дзеяннях незаконна ўтрымліваюць у так званай «турме для адмоўшчыкаў», якая ўяўляе сабой падвальнае памяшканне, якое не ацяпляецца, у населеным пункце Амвросіеўка.
Паводле іх слоў, ім не аказваецца медыцынская дапамога, выдаюць адзін індывідуальны рацыён харчавання ў суткі на ўсіх, пагражаюць фізічнай расправай.
Жанчыны патрабуюць «арганізаваць правядзенне праверкі па факце незаконнага пазбаўлення волі і відавочнага перавышэння службовых паўнамоцтваў службовымі асобамі».
Каментароў афіцыйных асоб з нагоды звароту пакуль няма.
Улетку звароты з-за незаконнага пазбаўлення волі вайскоўцаў адпраўлялі і члены прэзідэнцкай Рады па правах чалавека — тады ў падвалах і ямах Луганскай вобласці масава ўтрымлівалі адмоўшчыкаў-кантрактнікаў.
Каментары