Мабілізаванага з вядомага відэа, які ўдарыў афіцэра, прысудзілі да 5,5 года калоніі
Вайсковы суд прыгаварыў да пяці гадоў і шасці месяцаў калоніі строгага рэжыму мабілізаванага вайскоўца Аляксандра Ляшкова. Яго прызналі вінаватым у нанясенні пабояў камандзіру.
У сярэдзіне лістапада па сеціве разышлося відэа канфлікту паміж мабілізаванымі і іх камандаваннем на палігоне ў падмаскоўным парку «Патрыёт».
Прызыўнікі лаялі афіцэраў за дрэнную падрыхтоўку, няякаснае абсталяванне і абыякавае стаўленне. Ад імя мабілізаваных пераважна гаварыў Аляксандр Ляшкоў, які падчас спрэчкі з афіцэрам ударыў апошняга ў грудзі — гэта і стала падставай для крымінальнай справы.
Сам Ляшкоў віну не прызнаў.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»27
Каментары