Сёння над палітзняволенай пачаўся суд, які, відаць, хутка і скончыцца. Для Дар’і Лосік дзяржабвінаваўца запрасіў 2 гады зняволення за інтэрв’ю СМІ, прызнаным «экстрэмісцкімі фармаваннямі».
Прысуд агучаць заўтра, 19 студзеня.
Дар'ю затрымалі 18 кастрычніка. Яе будуць судзіць за «садзейнічанне экстрэмісцкай дзейнасці» (ч. 1 арт. 361-4 КК). Санкцыя артыкула прадугледжвае ад двух да шасці гадоў калоніі.
Як паведамлялася, падставай для крымінальнага пераследу стала інтэрв'ю, якое абвінавачаная дала ў красавіку тэлеканалу «Белсат», які прызнаны беларускімі ўладамі «экстрэмісцкім фарміраваннем».
Паводле версіі пракуратуры, у размове з журналістам Дар'я «пазіцыянавала сябе як жонку палітвязня» і «дала асабістую негатыўную ацэнку дзяржаўным органам, у кампетэнцыю якіх уваходзіць ажыццяўленне крымінальнага пераследу і выкананне правасуддзя».
«Таксама паведаміла, што яе муж не здзяйсняў крымінальна караных дзеянняў і асуджаны незаконна. Заклікала сваякоў іншых асуджаных зрабіць так, як яна», — паведамлялася ў прэс-рэлізе Генпракуратуры.
У Ігара і Дар'і — чатырохгадовая дачка Паўліна, якая цяпер засталася з бабулямі і дзядулямі.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары