Каханне і сэкс

Калі гаворка пра шлюб і грошы, то супрацьлегласці прыцягваюцца

Шлюб часта бяруць людзі, чые фінансавыя паводзіны дыяметральна супрацьлеглыя, сцвярджаюць амерыканскія даследчыкі інстытута сям’і.

Мы выбіраем партнёраў найперш на аснове супадзенняў і падабенства — супольных каштоўнасцяў, густаў і зацікаўленасцяў. Аднак тое, як чалавек абыходзіцца з грашыма, — тая сфера, калі супрацьлегласці прыцягваюцца, піша The Wall Street Journal.

Часта той, хто адчувае, што занадта засяроджаны на ашчаджанні і недастаткова выкарыстоўвае грошы, каб атрымліваць асалоду ад жыцця, можа шукаць партнёра, які пакажа яму, як паводзіцца і знаходзіць выйсце з сітуацый, час ад часу рабіць залішнія выдаткі — але пры гэтым мець лепшую якасць жыцця.

Калі муж і жонка ўмеюць дамаўляцца і прыходзіць да згоды, то з часам яны становяцца ўсё больш падобнымі адно да аднаго. У прыватнасці, марнатраўцы, жанатыя са скнарамі, часта вучацца знаходзіць залатую сярэдзіну, кажа даследчык сямейных фінансаў Скот Рык, прафесар маркетынгу Мічыганскага ўніверсітэта.

Шлюбы, дзе сужэнцам не ўдаецца дамовіцца наконт фінансаў, — няўстойлівыя і нярэдка сканчаюцца разводам.

Калі 33-гадовая менеджарка Крыстэн Джэймс пачала сустракацца са сваім цяперашнім мужам Бэнам, 35-гадовым сузаснавальнікам стартапа, яна заўважыла, што ў іх розныя падыходы да грошай. Спадар Джэймс быў больш схільным да фінансавай рызыкі, Крыстэн аддавала перавагу кансерватыўнаму абыходжанню з даходам.

Аднак, па словах спадарыні Джэймс, ніякага канфлікту не адбылося, наадварот: падыход мужа станоўча паўплываў на яе звычкі. Пасля абмеркавання з Бэнам дзяўчына адважылася змяніць сваю кар'еру — перайсці ў тэхналагічную галіну і ў выніку атрымліваць больш высокі заробак. Паводле яе слоў, без падтрымкі мужа яна не адчувала б сябе ў бяспецы, здзяйсняючы такія вялізныя змены ў жыцці.

«Ён сказаў: «Ты каштуеш значна больш, чым зарабляеш» — і падштурхнуў мяне да большай рызыкі і выпрабаванняў», — кажа Крыстэн.

Сужэнцы, якія абмяркоўваюць адрозненні ў сваіх фінансавых перакананнях, лепш здольныя прымаць рашэнні разам, якой бы стомнай гэтая практыка ні здавалася напачатку. Пакуль дзеці спяць на заднім сядзенні аўтамабіля, бацькі аналізуюць стан сямейнага бюджэту і правяраюць прагрэс у дасягненні доўгатэрміновых мэт.

Асноўная праблема, якую эксперты бачаць на раннім этапе адносін: кожны з партнёраў занадта часта гаворыць пра тое, што другі партнёр не павінен рабіць са сваімі фінансамі — замест таго, каб абмяркоўваць, што яны хочуць рабіць разам. Варта ставіць агульныя мэты і абмяркоўваць шляхі, як гэтых мэт дасягнуць.

Такія абмеркаванні таксама прадухіляюць дысбаланс улады, пры якім адзін з партнёраў прызначае сябе кіраваць грашыма, кажа Адрыян Уорд, прафесар маркетынгу Тэхаскага ўніверсітэта ў Осціне. Ён выявіў, што адзін з партнёраў часта бярэ на сябе адказнасць за фінансы не таму, што ён больш дасведчаны, а таму, што ў яго іх больш для гэтага часу. Унутраны фінансавы кіраўнік, якога прафесар Уорд называе «менеджарам хатняй гаспадаркі», часта выключае іншага партнёра з працэсу прыняцця рашэнняў. Іншы чалавек адчувае палёгку, але з часам яго фінансавая пісьменнасць цярпіць.

Каб заставацца на адной хвалі ў фінансавым плане, Крыстэн і Бэн Джэймс штомесяц ладзяць сход па сямейных фінансах. Па словах спадарыні Джэймс, размовы пра агульныя пакупкі і аналіз выдаткаў дапамагаюць ім трымаць перад вачыма шырокую карціну.

«Калі вас двое, другі чалавек можа сказаць: «Не, мы не купім новы дом цяпер» або «Мы не можам цяпер набыць новую машыну» — ёсць іншы чалавек, які заўсёды можа цябе зазямліць», — адзначае Кірстэн.

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць