У Львове дэпутат пры затрыманні спрабаваў змыць ва ўнітаз $25 тысяч ФОТА
Супрацоўнікі Дзяржаўнага бюро расследаванняў Украіны затрымалі дэпутата Львоўскай абласной рады, а таксама яго саўдзельніка — намесніка гарадскога кіраўніка адной з тэрытарыяльных абшчын рэгіёна. Яны спрабавалі падмануць мясцовага прыватнага прадпрымальніка і махлярскім спосабам забраць у яго 1,2 мільёна грыўняў. Гэта каля $29 тысяч.
Махляры абяцалі прадпрымальніку дапамагчы выйграць тэндар на выкананне будаўнічых работ у рэгіёне, але той адмовіўся.
Пасля таго, як прадпрымальнік самастойна выйграў тэндар, зламыснікі вырашылі прыкідвацца, што гэта менавіта дзякуючы ім гэта адбылося, і настойліва пачалі патрабаваць у бізнэсмена частку прыбытку.
Сілавікі затрымалі дэпутата і намесніка мэра падчас атрымання імі грошай. Адметна, што дэпутат спрабаваў змыць грошы ва ўнітаз.
Каментары