Група з 18 чалавек Смаленскай дзіцяча‑юнацкай спартовай школы алімпійскага рэзерву ўдзельнічала у спаборніцтвах у Беларусі.
Група з 18 чалавек Смаленскай дзіцяча‑юнацкай спартовай школы алімпійскага рэзерву ўдзельнічала у спаборніцтвах у Магілёве.
Калі яны вярнуліся ў Смаленск 6 дзяцей і адзін з суправаджаючых дарослых былі хворыя на вострую вірусную інфекцыю. У траіх з іх лабараторна пацверджаны «свіны грып».
«З гэтай групы ў траіх лабараторна пацверджаны дыягназ грыпу, выкліканага вірусам А/H1N1 09», — паведаміла Еўрарадыё начальнік аддзела эпідэміялагічнага нагляду Ўпраўлення Расспажыўнагляду па Смаленскай вобласці Галіна Круціліна.
Група ўдзельнічала ў спаборніцтвах з 19 па 22 кастрычніка. Першы футбаліст захварэў 26‑га кастрычніка, на чацвёрты дзень пасля вяртання з Магілёва. Інкубацыйны перыяд грыпа А/H1N1 максімум 7 дзён, кажа Галіна Круціліна.
«Усё укладаецца ў інкубацыйны перыяд. З поўнай упэўненасцю казаць нельга, але судзячы па развіцці сітуацыі, хутчэй за ўсё яны захварэлі ў Магілёве».
Дарэчы, пацвердзіцца «свіны грып» можа і ў астатніх чатырох хворых. Таму іх таксама лечаць менавіта ад грыпу А/H1N1.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары