Украінскага камандзіра, які распавёў пра дрэнную падрыхтоўку жаўнераў УСУ, панізілі на пасадзе
Ён у адказ напісаў рапарт на звальненне.
Камандзіра батальёна 46-й асобнай аэрамабільнай брыгады Анатоля з пазыўным «Купал» панізілі на пасадзе да намесніка камандзіра батальёна навучальнага цэнтра пасля таго, як ён распавёў пра вялікія страты ўкраінскіх сіл газеце The Washington Post, паведаміла «Украінская праўда» са спасылкай на крыніцы.
У адказ вайсковец напісаў рапарт на звальненне. Як распавёў «Купал», камандуючы дэсантна-штурмавымі войскамі генерал-маёр Максім Міргарадскі патлумачыў паніжэнне тым, што калі камандзір заяўляе аб дрэннай падрыхтоўцы вайскоўцаў, то «хай сам іх рыхтуе».
Матэрыял WP, у якім расказвалася аб праблемах УСУ з-за страт, выйшаў 13 сакавіка. Журналісты пагаварылі ў тым ліку з «Купалам», падраздзяленне якога зімой адышло ад Салядара. Камандзір распавёў, што сотні салдат УСУ проста пакідалі свае пазіцыі, калі байцы ПВК «Вагнер» прасоўваліся наперад, і звязаў гэта з неспрактыкаванасцю ўкраінскіх вайскоўцаў, мабілізаваных зусім нядаўна.
Па словах «Купала», за год вайны з 500 салдат яго батальёна загінула прыкладна 100, яшчэ 400 — атрымалі раненні. Гэта прывяло да таго, што склад батальёна цалкам абнавіўся, і ён, застаўшыся адзіным прафесійным вайскоўцам, сутыкаўся з цяжкасцямі пры кіраванні неспрактыкаванымі байцамі.
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары
Весь ОП жалкая шайка коррупционеров и лжецов.
Ради «правильной» картинки ломают судьбы защитников.
Все что делают ВСУ и народ на фронте это не благодаря а вопреки власти.
Слава ВСУ и народу Украины!
А эти бизнесмены на крови беларусов из ОП войдут и в историю как аморальные лжецы.