У лютым 2023 года Расіі ўдалося захапіць менш за 0,04% тэрыторыі Украіны. Пра гэта паведамляе Business Insider са спасылкай на амерыканскі Інстытут вывучэння вайны (ISW).
Паводле картаграфічных звестак, з 31 студзеня да 28 лютага Расія захапіла блізу 234 квадратных кіламетраў, або 0,039%, тэрыторыі Украіны. Business Insider адзначае, што менавіта на гэты месяц анансаваўся наступ Расіі.
У сваю чаргу група адсочвання War Mapper паведаміла, што ў лютым Расія павялічыла плошчу захопленых тэрыторый на 85 квадратных кіламетраў, што эквівалентна 0,01% украінскай тэрыторыі.
У ISW адзначылі, што «абедзве лічбы досыць малыя», а іх адрозненне можа быць звязана з нязначнымі пралікамі, хоць яны паказваюць на «абмежаванасць тэрытарыяльных заваёў Расіі».
У сакавіку Расія таксама не дамаглася прыкметных поспехаў, у тым ліку на ўсходняй лініі фронту, дзе знаходзіцца Бахмут. Business Insider дадае, што Расія працягвае губляць вялікую колькасць салдат і тэхнікі.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары