Украінская армія раніцай у сераду нанесла ўдар па цэлях у акупаваным Мелітопалі.
Спачатку розныя крыніцы паведамілі пра некалькі магутных выбухаў у Мелітопалі. Сцвярджалася, што яны адбыліся ў раёне аэрадрома, але надзейных пацвярджэнняў (або абвяржэнняў) не было.
Праз некаторы час расійскія агенцтвы абвясцілі са спасылкай на экстранныя службы горада, што ўдар быў нанесены па лакаматыўным дэпо.
Паводле заявы экстранных службаў, у дэпо ёсць разбурэнні, але пацярпелых няма.
Вайсковы аэрадром у Мелітопалі, які расіяне, па мностве сведчанняў, зрабілі сваёй базай, і лакаматыўнае дэпо знаходзяцца адносна недалёка адно ад аднаго ў паўночна-заходняй частцы горада.
Якімі менавіта сродкамі быў нанесены ўдар, пакуль невядома. Ад Мелітопаля да лініі фронту — прыкладна 60 км.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары