Грамадства11

У Мінску асудзілі айцішніка, які нібыта пагражаў начальніку ГУБАЗіКа

У судзе Партызанскага раёна Мінска 13 сакавіка разгледжана крымінальная справа грамадзяніна Расіі, вядучага інжынера-праграміста аднаго з прадпрыемстваў Ільі Шакірава. Яго абвінавацілі ў гвалце альбо пагрозе гвалтам у дачыненні да супрацоўніка органаў унутраных спраў, былога начальніка ГУБАЗіКа МУС Дзмітрыя Ковача (арт. 364 КК), паведамляе «Вясна».

Ілья Шакіраў

Суд павінен быў разглядаць і іншыя абвінавачанні, выстаўленыя Шакіраву: абразу Аляксандра Лукашэнкі (ч. 1 арт. 368) і абразу прадстаўніка ўлады (арт. 369). Аднак матэрыялы па гэтых артыкулах у працэсе не разглядаліся.

Справу разглядаў суддзя Аляксандр Супічэнка.

Ілью Шакірава затрымалі 30 лістапада 2022 года і да суда змясцілі ў СІЗА №1 Мінска.

У праўладных тэлеграм-каналах праз некалькі дзён з'явілася відэа, на якім айцішніка прымушаюць назваць свой вялікі заробак, а таксама «прызнацца» ў тым, што ён пакідаў абразлівыя каментары пра супрацоўнікаў міліцыі.

Па матэрыялах абвінавачання, Шакіраў у жніўні 2022 года ў прызнанай экстрэмісцкай тэлеграм-групе (чаце) наўмысна пагражаў ужываннем гвалту ў дачыненні да Дзмітрыя Ковача і ягоных блізкіх, размясціўшы каментар, які змяшчае прыкметы вербальнай агрэсіі.

«Факт давядзення пагрозы да ведама пацярпелага пацвярджаецца абвешчанымі паказаннямі пацярпелага. Пагроза прымянення гвалту праявілася ў выказванні абвінавачаным намеры нанесці шкоду жыццю і здароўю пацярпелага і яго блізкім. Судом таксама ўлічваецца і абстаноўка, якая склалася ў краіне, калі дэструктыўнымі сіламі праводзіцца мэтанакіраваная праца, накіраваная на ажыццяўленне дзяржаўнага перавароту», — паведамляў бок абвінавачання.

Дзмітрый Ковач таксама выставіў патрабаванне аб спагнанні матэрыяльнай кампенсацыі маральнай шкоды на суму 2 000 рублёў.

Суд пакараў Ілью Шакірава двума гадамі калоніі.

Матэрыяльную кампенсацыю абвінавачаны аплаціў добраахвотна да пачатку судовага працэсу.

Каментары1

  • Барл
    29.03.2023
    Вот такие у нас айтишники. Даже коммент анонимно написать не могут. Что уж говорить про простой народ(((

Папулярны польскі трэвэл-блогер расказаў пра сваю паездку ў Беларусь і даў парады

Папулярны польскі трэвэл-блогер расказаў пра сваю паездку ў Беларусь і даў парады

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Маргарыта Ляўчук выйшла замуж і чакае дзіця30

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

больш чытаных навін
больш лайканых навін

Папулярны польскі трэвэл-блогер расказаў пра сваю паездку ў Беларусь і даў парады

Папулярны польскі трэвэл-блогер расказаў пра сваю паездку ў Беларусь і даў парады

Галоўнае
Усе навіны →