Зяленскі: Лукашэнка ўжо не вырашае, якая зброя знаходзіцца на яго тэрыторыі
Сітуацыя з будаўніцтвам Расіяй у Беларусі сховішча для тактычнай ядзернай зброі сведчыць пра тое, што Аляксандр Лукашэнка канчаткова страціў суб'ектнасць.
Прэзідэнт Украіны Уладзімір Зяленскі зрабіў гэтую заяву 31 сакавіка на Бучанскім саміце ў Кіеве, у якім удзельнічалі прэзідэнт Малдовы Мая Санду, прэм'ер-міністры Славакіі, Славеніі і Харватыі — Эдуард Хегер, Роберт Галаб і Андрэй Пленкавіч. Яны 31 сакавіка прыехалі ва Украіну і пабывалі ў Бучы ў гадавіну яе дэакупацыі. Відэа свайго выступу кіраўнік украінскай дзяржавы апублікаваў у тэлеграме.
«Ён ужо не вырашае, якая зброя знаходзіцца на яго тэрыторыі», — адзначыў Зяленскі.
Прэзідэнт Украіны чарговы раз падкрэсліў, што калі Украіна цяпер не зможа выстаяць і падзе, то прэзідэнт Расіі Уладзімір Пуцін пойдзе далей на захад.
«Я так адкрыта лічу, таму так кажу. Але пры дапамозе нашых сяброў і партнёраў наша армія будзе стаяць і змагацца за тое, што нам трэба, — гэта перамога і наша незалежнасць», — рэзюмаваў ён.
Акрамя гэтага, Зяленскі мяркуе, што публічна агучаныя намеры Расіі размясціць у Беларусі тактычную ядзерную зброю кажуць пра тое, што перамовы Уладзіміра Пуціна і Старшыні КНР Сі Цзіньпіна не былі дастаткова паспяховымі. З яго слоў, гэта неабходна Пуціну, каб прадэманстраваць Кітаю сваю суб'ектнасць, якую Расія ў рэальнасці пад кіраўніцтвам Пуціна ўжо цалкам страціла.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі29
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары