«Логіка ўкраінскай адміністрацыі зразумелая, але не хацелася б, каб яна наступіла на тыя ж граблі» — Вячорка пра інтэрв'ю дарадцы Зяленскага
Дарадца Святланы Ціханоўскай Франак Вячорка ў каментары Беларускаму расследавальніцкаму цэнтру выказаўся адносна выказвання дарадцы Уладзіміра Зяленскага Аляксандра Раднянскага ў інтэрв'ю «Нашай Ніве», што ўкраінскія ўлады наўмысна пазбягаюць зносін са Святланай Ціханоўскай і яе прыхільнікамі.
«Логіка ўкраінскай адміністрацыі вельмі зразумелая. Яны не хочуць злаваць Лукашэнку. Ім здаецца, што калі яго не злаваць, не правакаваць, ён не нападзе. Але гэтак жа думалі да лютага 2022 года, і мы бачылі, чым гэта скончылася.
Не хацелася б, каб кіраўніцтва Украіны наступала на тыя ж граблі», — заявіў Беларускаму расследавальніцкаму цэнтру дарадца Святланы Ціханоўскай Франак Вячорка.
Пры гэтым ён падкрэсліў, што Кабінет Ціханоўскай будзе падтрымліваць Кіеў «незалежна ад таго, якія заявы будуць рабіць дарадцы Зяленскага».
Ён таксама не пагадзіўся з заявай Раднянскага аб тым, што беларуская апазіцыя нерэлевантная.
«Што тычыцца Святланы Ціханоўскай, то яна выйграла выбары з вялікай доляй верагоднасці, за яе прагаласавалі мільёны беларусаў. Ігнараваць гэты факт — недальнабачнасць, а то і проста неразуменне ўкраінскім кіраўніцтвам беларускай сітуацыі.
У інтарэсах Украіны мець моцныя дэмакратычныя сілы і слабы рэжым Лукашэнкі», — упэўнены Вячорка.
Чытайце таксама:
Былыя актывы «Беларуснафты» ва Украіне перайшлі Рынату Ахметаву
Якія новыя санкцыі могуць увесці супраць Беларусі ў адказ на размяшчэнне расійскай ядзернай зброі?
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча3
Каментары