Ён абакраў машыну, а скрадзеныя рэчы спаліў.
У міліцыю Бабруйска звярнулася 46-гадовая мясцовая жыхарка, з машыны якой, разбіўшы шкло, невядомы выкраў рэчы, піша «Магілёў анлайн».
Мясцовыя аператыўнікі затрымалі злачынцу — 47-гадовага судзімага за крадзеж мужчыну.
Да злачынства затрыманы доўга не рыхтаваўся, а на «справу» адправіўся як быў, у хатніх тапках, накінуўшы толькі куртку.
Бабруйчанін праходжваўся па двары і тузаў за ручкі аўтамабілі. Калі гэты няхітры спосаб не спрацаваў, разбіў шкло ў «Кіа Рыа», якая належала 46-гадовай мясцовай жыхарцы. З машыны выкраў відэарэгістратар, трымальнік для тэлефона, флэш-карты і… вільготныя сурвэткі.
Праз пару гадзін скрадзеныя рэчы, акрамя сурвэтак, спаліў. Навошта — патлумачыць не змог.
Верагодна, у біяграфіі мужчыны з'явіцца новая судзімасць за крадзеж.
Цяпер чытаюць
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю1
Каментары