Сацсетка Facebook абнавіла ўкладку «Сябры», у якой будуць сабраныя апдэйты ад сяброў карыстальніка без алгарытмічнага смецця, які забіў асноўную стужку, піша Devby.io.
У гэтай укладцы не будзе публікацый, падабраных рэкамендацыйнымі алгарытмамі, такіх як рэкламны кантэнт і пасты ад выпадковых груп, — толькі пасты, сторыс, рылсы і дні нараджэння юзераў са спісу сяброў. Раней тут адлюстроўваліся запыты на сяброўства і рэкамендацыі сяброў.
Новую функцыю ўжо пачалі запускаць у ЗША і Канадзе.
Сацсетка адзначыла, што з гадамі развівалася і імкнулася задавальняць новыя патрэбы карыстальнікаў, але «магія» зносін з сябрамі недзе згубілася. Цяпер яна вырашыла вярнуцца да вытокаў і абяцае на працягу гэтага года дадаць яшчэ больш фічаў з мінулага.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары