У Брэсце на мужчыну абрынуўся мікрааўтобус, які ён выкарыстоўваў у якасці «донара»
49-гадовы берасцеец спрабаваў дастаць з адслужыўшага сваё старога аўтамабіля рысоры, каб пераставіць іх на навейшую машыну. Але гэта ў выніку скончылася трагічна, піша «Ганцавіцкі час».
У свой час мужчына набыў стары мікрааўтобус «Івека» і пры патрэбе здымаў з яго патрэбныя запчасткі ды выкарыстоўваў іх для рамонту іншай машыны. Разборка старога транспартнага сродку дайшла да такой стадыі, што апошнім часам мікрааўтобус стаяў ужо на адным коле.
У другой палове дня 11 мая мужчына выправіўся зняць з гэтай машыны рысоры. З дапамогай дамкрата ён прыўзняў аўтамабіль, але для ўпору нічога не падклаў. У нейкі момант дамкрат выслізнуў і мікрааўтобус прыціснуў свайго ўладальніка, занятага працай.
Паклікаць на дапамогу мужчына нікога не змог. Яго цела знайшла жонка, занепакоеная доўгай адсутнасцю мужа. Іншых падрабязнасцяў гэтай гісторыі пакуль няма.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў55
Каментары