Пра тое, што палітзняволеная са Жлобіна Людміла Кірыленка ўжо на волі, даведалася выданне «Свабодны Жлобін».
Людміла Кірыленка — прадпрымальніца, мае дваіх дзяцей. Была затрыманая 19 студзеня 2022 года па крымінальнай справе, распачатай пасля акцый пратэсту ў Жлобіне ў жніўні 2020 года. У жанчыны дома правялі ператрус, адвезлі ў СК Жлобіна на допыт, а затым змясцілі ў ізалятар.
Праз некалькі дзён яе перавялі ў гомельскі СІЗА і прад'явілі абвінавачванне па арт. 342 Крымінальнага кодэксу (групавыя дзеянні, якія груба парушаюць грамадскі парадак).
22 красавіка 2022 года суд Жлобінскага раёна пастанавіў пакараць жанчыну пазбаўленнем волі ў калоніі агульнага рэжыму тэрмінам на паўтара года. Судзіў Кірыленку суддзя Яўген Ерафееў.
У жніўні 2022 года палітзняволеную перавялі з СІЗА-3 для адбывання пакарання ў гомельскую калонію №4.
«Беларусы будуць ціхенька думаць сваё. А вада камень точыць, дый Лукашэнка фізічна не вечны». Глыбокі маналог былога мытніка Алеся Юркойця5
Каментары