Аб прыпыненні з 1 жніўня працы пасольства ў Маскве абвясціла міністарка замежных спраў Ісландыі.
«Гэта няпростае рашэнне, бо Ісландыя падтрымлівае багатыя адносіны з народам Расіі з моманту здабыцця намі незалежнасці ў 1944 годзе. Аднак цяперашняя сітуацыя проста не дазваляе невялікай дыпламатычнай службе Ісландыі мець амбасаду ў Расіі», — сказала кіраўніца ісландскага МЗС Тордзіс Гільфадоцір.
Усяго ў Ісландыі 18 пасольстваў па ўсім свеце. У Маскве краіна адчыніла прадстаўніцтва ў 1944 годзе, але ўжо зачыняла яго ў апошнія гады кіравання Іосіфа Сталіна — у 1951—1953 гг.
Ісландыя стала першай краінай, якая спыніла працу пасольства ў Расіі. Акрамя таго, у канцы мая Германія абвясціла аб закрыцці трох з пяці сваіх консульстваў у Расіі, а таксама амаль усіх расійскіх генконсульстваў у ФРГ.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары
Сама ж "навіта" – бяссэнсоўная ўдаваньне бюракратамі бурхлівае дзейнасьці