Борыс Джонсан знайшоў сабе працу. І ганарар прыстойны, і праца па першай спецыяльнасці
Былы прэм'ер-міністр Вялікабрытаніі і экс-дэпутат Палаты грамад Борыс Джонсан будзе працаваць у сферы журналістыкі. Пра гэта паведамляе «Еўрапейская праўда» са спасылкай на Politico.
Адзначаецца, што Джонсан будзе аўтарам штотыднёвай калонкі для выдання Daily Mail. Журналістыка — асноўны занятак Джонсана да таго, як ён прыйшоў у палітыку.
Суразмоўцы выдання распавялі, што таямнічы «эрудзіраваны новы калумніст», які з'явіўся на першай паласе пятнічнага выпуску газеты, паказвае на Джонсана. Згодна з анонсам, новы калумніст пачне працу ў суботу.
За напісанне калонкі Джонсан будзе атрымліваць «шасцізначную суму».
Напісанне калонак для Mail стане першай рэгулярнай журналісцкай працай Джонсана пасля адыходу з Daily Telegraph у 2019 годзе.
Аднак рэдактары Mail, хутчэй за ўсё, не ў захапленні ад навін аб сваім новым зорным калумнісце, так як былыя калегі Джонсана згадваюць аб праблемах у часе сумеснай працы.
У прыватнасці, як успамінае адзін з былых рэдактараў Джонсана, той не заўсёды своечасова здаваў матэрыялы.
Нагадаем, 9 чэрвеня Борыс Джонсан абвясціў аб адстаўцы з пасады дэпутата Палаты грамад на фоне скандалу, звязанага з вечарынкамі на Даўнінг-стрыт падчас кавідных абмежаванняў.
15 чэрвеня была агучана парламенцкая справаздача, у якой Джонсан неаднаразова свядома ўводзіў парламент у зман сваімі заявамі аб вечарынках на Даўнінг-стрыт, якія парушалі правілы паводзін падчас пандэміі кавіду.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары
Ганарар у 10 раз болей .вельмі цікавы прафесійны журналіст