Рэчы Міраслава Лазоўскага перадалі ў Нацыянальны музей гісторыі Украіны
«Міраслаў Лазоўскі ўсё сваё жыццё выступаў за незалежнасць Беларусі, таксама абараняў незалежнасць Украіны. Памяць пра героя Беларусі і Украіны будзе вечнай», — гаворыцца на старонцы музея ў фэйсбуку.
![](http://nashaniva.com/img/w732d4webp1/photos/z_2023_06/lazouski230629-ic9ck.jpg.webp)
Рэчы Міраслава перадалі ў музей у сераду. Гэта бронекамізэлька, шаўроны, боты, акуляры, кашуля, карты і бел-чырвона-белы сцяг.
Міраслаў Лазоўскі быў адным з заснавальнікаў «Белага легіёна», прамоўтарам беларускай культуры.
Пасля пратэстаў 2020 года ў Беларусі ён пераехаў у Кіеў. Пасля пачатку поўнамаштабнага ўварвання Расіі Міраслаў уступіў у беларускі добраахвотніцкі батальён «Волат» палка імя Кастуся Каліноўскага. Меў пазыўны «Мыш».
Загінуў 16 мая пад Бахмутам. 26 мая ў Кіеве з ім прайшло развітанне. На мінулым тыдні Рада БНР пасмяротна ўзнагародзіла Міраслава Лазоўскага ордэнам Жалезнага рыцара — найвышэйшай узнагародай БНР.
![](http://nashaniva.com/img/w732d4webp1/photos/z_2023_06/bronek230629-afm1z.jpg.webp)
![](http://nashaniva.com/img/w732d4webp1/photos/z_2023_06/akuliary230629-ya5oz.jpg.webp)
![](http://nashaniva.com/img/w732d4webp1/photos/z_2023_06/boty230629-2pkwd.jpg.webp)
![](http://nashaniva.com/img/w732d4webp1/photos/z_2023_06/eurony230629-kt8kf.jpg.webp)
![](http://nashaniva.com/img/w732d4webp1/photos/z_2023_06/kaulia230629-bk7tk.jpg.webp)
![](http://nashaniva.com/img/w732d4webp1/photos/z_2023_06/sciah230629-2dnnc.jpg.webp)
Чытайце таксама:
«Зусім трохі не дайшоў». Пабрацім Міраслава Лазоўскага пра яго гібель
«Калі я загіну, пахавайце мой попел пад любым дубам». Пабрацім згадвае Міраслава Лазоўскага
Ён загінуў у самым канцы бою ад кулі расійскага снайпера — Урбановіч пра гібель Міраслава Лазоўскага
Каментары