На расійскім тэлеканале дзяўчынка паказала жэст, які лічыцца міжнародным сігналам аб дапамозе
У праграме «Мужчынскае і жаночае» на Першым расійскім канале дзяўчынка, чые бацькі сталі героямі выпуску «Суцяжніцтва», паказала міжнародны жэст, які сігналізуе пра хатні гвалт. Яна працягнула руку за спінай у малодшай сястры, раскрыла далонь у бок камеры, сагнула вялікі палец, а затым ахапіла яго іншымі пальцамі.
Ці ведала дзяўчынка, што азначае гэты жэст, які атрымаў распаўсюд падчас пандэміі кавіду, калі праз каранцін і іншыя абмежавальныя меры быў зафіксаваны рост выпадкаў хатняга гвалту, дакладна невядома. Аднак жэст быў паўтораны некалькі разоў. У гэты момант дзяўчынка расказвала на камеру, як яна любіць маму, як піша «Медуза».
У выпуску апавядалася пра тое, як былыя муж і жонка вядуць барацьбу за чатырохгадовую малодшую сястру дзяўчынкі, якая паказала жэст аб дапамозе. У праграме маці, у прыватнасці, згадвае пра эпізоды гвалту, аб'ектам якога была яна сама.
Mash сцвярджае, што аўтары праграмы пасля таго, як гледачы «завалілі іх пытаннямі», падалі заяву ў СК і ўжо пачалася праверка. Афіцыйна расійскі Следчы камітэт заяў з гэтай нагоды на момант публікацыі навіны не рабіў.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ2
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары