Папярэдне вядома, што журналіста і былога палітвязня Рамуальда Улана будуць трымаць у ІЧУ да панядзелка. У чым яго абвінавачваюць, пакуль невядома, як паведамляе «Вясна».
Былы заснавальнік і выдавец «Новай газеты Смаргоні» Рамуальд Улан у студзені 2021 года быў асуджаны да 2,5 года «хіміі». Смаргонцу паставілі ў віну тое, што ён распаўсюдзіў, маўляў, заведама непраўдзівыя звесткі, якія ганьбяць гонар і годнасць міліцыянераў.
У маі стала вядома, што Рамуальда Улана вызвалілі па амністыі, але спакойна жыць яму не даюць. Мінулы раз яго затрымлівалі 17 чэрвеня — прызначылі трое сутак арышту паводле арт. 19.11 КаАП (распаўсюд экстрэмісцкіх матэрыялаў).
Каментары