Наймаладзейшай у Львове быў 21 год, найстарэйшай — 95. У горадзе абвясцілі двухдзённую жалобу
Ратавальнікі працягваюць разбіраць завалы, пад якімі яшчэ могуць быць людзі.
Самай маладой дзяўчыне, якая загінула ў выніку начнога абстрэлу расіянамі Львова, быў усяго 21 год.
«Расія забівае нашу моладзь. Нашу будучыню», — напісаў у сваім тэлеграме кіраўнік ваеннай адміністрацыі Максім Казіцкі.
Самай пажылой жанчыне, што загінула, было 95 гадоў.
«Жанчына перажыла Другую сусветную, але, на жаль, не перажыла рашызму», — напісаў Казіцкі.
У Львове абвясцілі двухдзённую жалобу. Ратавальнікі працягваюць разбіраць завалы, пад якімі яшчэ могуць быць людзі. Пашкоджана адна падстанцыя ў Львове (150 абанентаў застаюцца без электразабеспячэння), як піша «Украінская праўда».
«Побач з домам, у які трапіла ракета, ёсць сховішча. Яно ў належным стане і на момант трывогі было адчынена. Але з усяго дома ў сховішчы знаходзілася толькі пяць чалавек. Вельмі крыўдна», — распавёў Казіцкі.
У ноч на 6 ліпеня Расія нанесла ўдар ракетамі «Калібр» па Львове і трапіла ў шматпавярховы дом. У выніку 4 чалавекі загінулі, 37 атрымалі раненні, пашкоджана каля 30 дамоў і знішчана каля паўсотні аўто.
Цяпер чытаюць
У Драздах выставілі на продаж катэдж з рэкорднай цаной — $7,5 мільёна ШМАТ ФОТА3
Каментары