Коміку Нурлану Сабураву можа пагражаць ад 7 да 12 гадоў у Казахстане па артыкуле «Наёмніцтва»
За 10 міні-матацыклаў, якія ён перадаў на патрэбы «СВА» ў ліпені 2025 года, піша Mash.
Відэа, запісанае Сабуравым, з’явілася ў сацсетках яшчэ летам мінулага года, але шырока не распаўсюджвалася. На ім ён прэзентуе 10 новых уседарожных міні-матацыклаў, якія купіў і перадаў мотабатальёну «Легіён Вагнера «Іскра»» пад камандаваннем Героя Расіі з пазыўным «Рацібор».
Відэа паглядзелі ўлады Казахстана, і цяпер Сабураву пагражае праверка і патэнцыйная крымінальная адказнасць за наёмніцтва — у рамках артыкула 170 КК РК.
У Казахстан Нурлан вярнуўся 20 лютага — пасля рашэння аб забароне яму ўезду ў Расію на 50 гадоў. Паводле інфармацыі ТАСС, уезд коміку забаранілі «з-за крытыкі СВА», а таксама парушэння міграцыйнага і падатковага заканадаўства.
Казахстанскі стэндап-комік атрымаў вядомасць у Расіі, выступаючы на тэлеканале ТНТ і ў YouTube-шоу «Што было далей?». Нарадзіўся ў 1991 годзе ў Сцепнагорску (Акмалінская вобласць), кар’еру пачаў у Екацярынбургу, гуляючы ў КВЗ. З 2014 года жыў і працаваў у Маскве.
Пасля 2022 года яго выказванні на палітычныя тэмы неаднаразова выклікалі скандалы і прыводзілі да адмены канцэртаў у Расіі.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары