Затрыманы за забойства камандзіра падлодкі «Краснадар» прызнаўся ў здзейсненым — медыя
Як паведамляе канал Shot, былы прэзідэнт федэрацыі шатакан каратэ-до Украіны Сяргей Дзенісенка прызнаўся ў забойстве экс-капітана падлодкі «Краснадар» Станіслава Ржыцкага.
Як піша выданне, ён сказаў, што гэта было заданне ад украінскіх спецслужбаў, і ён рыхтаваўся да замаху са снежня мінулага года.
Праз двое сутак пасля забойства Дзенісенка нібыта павінен быў вылецець з Сочы ў Турцыю, а адтуль — у Швейцарыю. Дзенісенку ўзялі ў Туапсэ. Цяпер яго этапавалі ў Краснадар.
Раней у Следчым камітэце Расіі заявілі, што ў затрыманага 74-гадовага Сяргея Дзенісенкі быў знойдзены пісталет з глушыцелем, з якога нібыта і было здзейсненае забойства.
Намесніка начальніка аддзела па мабілізацыйнай рабоце адміністрацыі горада Станіслава Ржыцкага застрэлілі ў Краснадары 10 ліпеня. Ржыцкі служыў на падлодках «Алроса» і «Краснадар», быў у базе даных украінскага «Міратворца».
Каментары