У Краснадары застрэлілі камандзіра падлодкі, з якой запускалі «Калібры» па Украіне
У Краснадары забілі намесніка начальніка аддзела адміністрацыі горада па мабілізацыйнай рабоце Станіслава Ржыцкага. Ён быў афіцэрам-падводнікам, у Кіеве яго абвінавачвалі ў запуску ракет «Калібр» па тэрыторыі Украіны.
Кілер падпільнаваў 42-гадовага капітана 2-га рангу на ранішняй прабежцы каля спарткомлексу «Алімп» і чатыры разы стрэліў яму ў спіну і грудзі. У выніку Ржыцкі памёр на месцы, а забойцу ўдалося ўцячы.
Верагодна, кілер даўно сачыў за Ржыцкім, ведаў яго маршруты, а таксама спецыяльна выбіраў месца, дзе няма камер назірання. Цяпер супрацоўнікі расійскай паліцыі праглядаюць відэа, атрыманыя з прылад на найбліжэйшых будынках, але пакуль ніякіх зачэпак не выяўлена.
Раней Ржыцкі таксама камандаваў падводнай лодкай «Краснадар», а да гэтага — падводнай лодкай «Алроса». У Кіеве яго абвінавачвалі ў запуску ракет «Калібр» па тэрыторыі Украіны.
Паводле інфармацыі камандавання Паветраных сіл УСУ, менавіта з гэтай падлодкі быў нанесены ўдар па Вінніцы 14 ліпеня 2022 года. У выніку загінулі 27 чалавек, у тым ліку трое дзяцей, сярод якіх 4-гадовая дзяўчынка з сіндромам Даўна Ліза Дзмітрыева, забітая на месцы.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары