У Лагойску адбыўся пажар у кватэры, у якой знаходзіўся 13-гадовы хлопчык. Ён патэлефанаваў ратавальнікам і расказаў, што ў суседнім пакоі гарыць піяніна, як паведаміла прэс-служба МНС.
Паводле інфармацыі ратавальнікаў, падлетак знаходзіўся дома адзін, ягоная мама са старэйшымі дзецьмі адышла па справах.
«Хлопчык гуляў у тэлефоне і ў нейкі момант заўважыў дым з-пад дзвярэй іншага жылога пакоя. Адчыніўшы дзверы, ён убачыў, што нешта гарыць на піяніна. Зачыніўшы дзверы, выклікаў ратавальнікаў і выйшаў на балкон», — расказалі ў МНС.
Прыбыўшы на месца, ратавальнікі дапамаглі хлопчыку выйсці на вуліцу.
Пазней стала вядома, што напярэдадні мама хлопчыка запаліла свечку, памалілася і пакінула яе незатушанай. У выніку пажару пашкоджаная маёмасць, закураныя сцяна і столь у дзіцячым пакоі.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары
хлопчык дарэчы зрабіў усё правільна
ну яму пэўна і ратавальнікі падказалі
а хутчэй за ўсё - з-за іх і здарылася ўзгаранне...
,,веруючая,, экзальтаваная мама запаліла свечку ля ікон і пайшла...