Мінабароны расказала, чым займаюцца беларуска-расійскія навучальна-баявыя цэнтры
У Беларусі створаныя і функцыянуюць вучэбна-баявыя цэнтры сумеснай падрыхтоўкі спецыялістаў беларускай і расійскай армій па ўзаемадзеянні і прымяненні ўзбраення. У абаронным ведамстве вызначылі асноўныя напрамкі работы цэнтраў.
- Падрыхтоўка асабовага складу да выканання вучэбна-баявых задач у рамках рэалізацыі праграм сумеснай падрыхтоўкі;
- абмен досведам па пытаннях баявога прымянення ўзораў узбраення, вайсковай і спецыяльнай тэхнікі;
- навучанне практычным навыкам выкарыстання ўзораў узбраення, вайсковай і спецыяльнай тэхнікі;
- уніфікацыя баявой падрыхтоўкі Узброеных сіл Беларусі і Расіі.
У Мінабароны адзначылі, што штодзённая праца цэнтраў будзе праходзіць згодна з планам па сумеснай падрыхтоўцы і будзе адпавядаць рэгламенту.
Мерапрыемствы паўсядзённай дзейнасці, якія не ўваходзяць у план сумеснай падрыхтоўкі, будуць праводзіцца згодна з законамі Беларусі і Расіі.
Падрыхтоўка спецыялістаў у цэнтрах вядзецца па праграмах сумеснай падрыхтоўкі. Сюды ўваходзяць комплексныя заняткі, палявыя выхады, тактыка-страявыя заняткі, тактыка-спецыяльныя заняткі.
«Не радзей як адзін раз на год пад кіраўніцтвам аб'яднанага камандавання праводзяцца сумесныя трэніроўкі і тактыка-спецыяльныя вучэнні», — дадалі ў беларускім абаронным ведамстве.
Беларуская блогерка паказала, які жах можа адбывацца з вуснамі, калі хочаш іх павялічыць — а потым паменшыць7
Каментары