Вайна33

«Баі пад Запарожжам і Бахмутам — гэта не паўтор Першай сусветнай, а высадка ў Нармандыі»

«Хопіць параўноўваць Украіну з Першай сусветнай». З такім загалоўкам выйшаў новы артыкул Foreign Policy, у якім прыводзіцца больш адпаведная гістарычная паралель.

Траншэі каля ўкраінскага Бахмута. Фота: John Moore / Getty Images

Аўтары артыкула выдання Foreign Policy ад 18 ліпеня выступілі з адкрытай крытыкай масава папулярнага параўнання баявых дзеянняў ва Украіне з аналагічнымі падчас Першай сусветнай вайны.

Прыхільнікі такога параўнання звычайна прыводзяць у якасці довадаў практычна зафіксаваны фронт, бяскрайнія палі, усеяныя згарэлымі дрэвамі і шматлікімі варонкамі ад бомбаў, фатаграфіі прамоклых, задубелых салдат, якія стаяць у траншэях па калена ў гразі.

Гэтыя падабенствы, на думку Foreign Policy, прымушаюць многіх думаць, што цяперашняя сітуацыя на фронце ва Украіне такая ж маналітная і тупіковая, як і больш за стагоддзе таму, і што ўкраінскі контрнаступ асуджаны на правал у кантэксце адсутнасці глыбокага і імклівага прасоўвання ў стан ворага. Але гэта не зусім так.

Украінскія ваяры вядуць бой у траншэях каля Бахмута. Фота: Libkos / AP
Салдаты брытанскай арміі ў траншэях у 1916 годзе падчас Першай сусветнай вайны. Фота: Pen and Sword Books / Getty Images

«Гэта не акопная вайна, гэта Нармандыя 1944 года і баі ў прыгарадах»

Аўтары нядаўняга артыкула прыводзяць іншы гістарычны прыклад, які, па іх меркаваннях, лепш падыходзіць для параўнальнага аналізу і тлумачэння павольнага прасоўвання ўкраінскіх войскаў падчас контрнаступу.

Гаворка ідзе пра высадку саюзнікаў у Нармандыі падчас Другой сусветнай вайны, а таксама пра доўгія і, на першы погляд, тупіковыя баі арміі ЗША з немцамі каля французскага горада Сэн-Ло на поўначы Францыі.

Тады ў 1944 годзе амерыканскія салдаты шэсць тыдняў з цяжкімі баямі і без асаблівага прасоўвання спрабавалі прабіць абарону немцаў, каб канчаткова зайсці ў Сэн-Ло для стварэння плацдарма для далейшага наступлення. У выніку, як толькі амерыканцы знясілілі і зламалі некаторыя «непрыступныя» лініі абароны немцаў, тыя адразу ж пачалі поўнае адступленне, і далей фронт рухаўся ўжо імкліва.

Чаму так адбылося і як менавіта тыя падзеі суадносяцца з цяперашнім становішчам фронта ва Украіне?

  1. У адрозненне ад Першай сусветнай, у баях пад французскім Сэн-Ло і ўкраінскім Бахмутам ў бакоў канфлікту не было тэхналагічнага тупіку, калі не было тэхнічнай магчымасці цалкам выкурыць суперніка з абарончых меж, бо ўсе валодалі аднолькавым узроўнем развіцця вайсковых тэхналогій і не маглі адзін аднаго пераадолець. А ўжо падчас Другой сусветнай і вайны ва Украіне заходнія краіны стабільна выкарыстоўвалі ўсё больш прасунутыя тэхналогіі для прарыву.
  2. Тэрыторыя. Войскі ЗША і Украіны, нягледзячы на ​​розніцу ў амаль 80 гадоў, ваявалі на аднолькавай мясцовасці, якая пераважна ўяўляла сабой узгорыстыя прыгарады з мноствам ручаёў, рэк, дрэў і дарог. Гэта зводзіць на нішто перавагу суцэльных і гіганцкіх ліній абарончых траншэй, бо салдаты не могуць бачыць далёка за межамі свайго фронту і флангаў, якія з прычыны мясцовасці значна лягчэй абысці або разбіць.

  3. Шчыльнасць войскаў. Для таго, каб весці акопную вайну, неабходна велізарная колькасць салдат на адну мілю (1,6 кіламетраў) абарончых пазіцый. У першую сусветную такая шчыльнасць складала па 10 тысяч салдат на мілю, але падчас Сэн-Ло немцы мелі паказчык у 1000 чалавек на мілю, а расіяне пад Бахмутам — ўсяго 700. Маленькая шчыльнасць стварае вельмі ўразлівыя месцы ў абароне, бо з-за мясцовасці салдат нельга размеркаваць раўнамерна.

  4. Маральны дух салдат, якія абараняюцца. Перад тым, як прарваць лініі абароны немцаў пад Сэн-Ло, амерыканцы метадычна і павольна вынішчалі іх жывую сілу і тэхніку, зніжалі іх маральны дух. Заняпаду духу яшчэ спрыялі папярэднія няўдачы на ​​фронце, таму калі амерыканцы прарваліся, уся абарона немцаў адразу ж пасыпалася. Тое ж самае адбываецца і ва Ўкраіне, калі расіяне імкліва губляюць тэрыторыі, якія заваёўвалі месяцамі, і калі у тыле адбываюцца турбулентнасці, накшталт мяцяжу Прыгожына.

  5. Час. Украіне дапамагае Захад, які наўпрост у вайне не ўдзельнічае, таму менш схільны да ўнутранай нестабільнасці і стомленасці ад вайны. Захад не адпраўляе свае войскі, страты ў якіх заахвочвалі б іх грамадства тэрмінова патрабаваць і шукаць шляхі адыходу. У Захаду, у адрозненне ад Расіі, ёсць час і магчымасць паступова павышаць стаўкі і нарошчваць дапамогу Украіне, чые байцы з-за змагання за родную зямлю і людзей маюць больш матывацыі не спыняцца да аднаўлення сваёй тэрытарыяльнай цэласнасці і справядлівасці. У Расіі падобнага часу, з прычыны вялізных страт, значна менш.

Армія ЗША падчас штурму пазіцый немцаў каля французскага гораду Сэн-Ло, лета 1944 года. Фота: AP
Украінскія салдаты падчас контрнаступу пад Бахмутам, лета 2023 года. Фота: Alex Babenko / AP

Каментары3

  • Петч
    21.07.2023
    Абсолютная глупость. После высадки в Нормандии основная задача была удержать плацдарм и наращивать силы. Во время осады сэн-ло на берег высаживались по 100 тыс солдат ежедневно, вместе с сотнями единиц техники. Учитывая, что Германия воевала на 2 фронта, это по сути было делом техники, когда их оборона рухнет. Украина же воюет на пределе своих возможностей.
  • а я сячас вам пакажу...
    21.07.2023
    Петч, а про "пределы возможностей" тебе наверное по зомбоящику рассказали персонажи, которые хотели "Киев за три взять"? 
  • Ноўнэйм
    21.07.2023
    Слава Ўкраіне! Вольны народ абавязкова пераможа варвараў і рабоў з Усходу!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Няздольны перамагчы, а кіруе. Пра каго загадка, дзеткі?8

Няздольны перамагчы, а кіруе. Пра каго загадка, дзеткі?

Усе навіны →
Усе навіны

У Асіповічах імкліва разбудоўваюць інфраструктуру. Імаверна, для расійскай ядзернай зброі11

Расійскі акцёр Міхаіл Яфрэмаў, які забіў чалавека ў ДТЗ, выходзіць на волю7

Што адбываецца на трэш-вечарынах з шэйхамі?13

У Мінску прадаецца дом за рэкордныя 3,3 мільёна даляраў3

Хакеры здабылі ДНК Пуціна — у яго ёсць сёе-тое супольнае з Гітлерам14

Каб не трапіць у СІЗА, расійскі апазіцыйны блогер пайшоў на вайну. Днямі яго пахавалі ў закрытай труне5

Салаўёву давялося запісаць пакаяльнае відэа, бо ў Чачні не зразумелі яго словы пра «Ахмат»5

Увесну пацягнула на салодкае? Доктар расказвае, пра што гэта можа сведчыць2

У Мінску аўтамабілі праваліліся ў яму проста пасярод дарогі1

больш чытаных навін
больш лайканых навін

Няздольны перамагчы, а кіруе. Пра каго загадка, дзеткі?8

Няздольны перамагчы, а кіруе. Пра каго загадка, дзеткі?

Галоўнае
Усе навіны →

Заўвага:

 

 

 

 

Закрыць Паведаміць